1. பொருட்களின் உலகம் - " நேரடி சாட்சி"
ஒரு சிறு அரை உண்மையை நீங்கள் கூறி, மீதி அரை உண்மையை நீங்கள் மறைத்தீர்கள் என்றால் சின்ன வயதிலிருந்து நீங்கள் ஆசைப்பட பல்வேறு பொருட்கள் உங்களுக்கு கிடைக்கும் - உங்கள் முடிவு என்ன ?
2. மனோராஜ்யம் - "பதினான்காவது அறை "
ஆழ்மனத்தின் சாகசங்கள் உங்கள் கண்களுக்கு மட்டுமே புலப்படுவன. உங்களுக்கு உள்ளேயே நிகழும் இந்த சாகசங்கள் குறித்து மற்றவர்களுக்கு எந்தக் கவலையும் இல்லை - தொடர்ந்து உங்கள் வழியில் சாகசங்களை தொடர்வீர்களா இல்லை இப்படியான சாகசங்களை கைவிடுவீர்களா ?
3. பழியின் பாதை - " கருப்பு தொப்பி"
நல்லவர்களின் சிலுவையை சுமப்பவர்களின் பெயர் என்ன? கெட்டவர்களா ? உங்களுக்கு வாய்ப்பு வழங்கப்பட்டால் நீங்கள் எதை தெரிவு செய்வீர்கள் - எல்லாரும் போற்றும் நல்லவர்களின் சிலுவையையா இல்லை நல்லவரின் சிலுவையை காப்பாற்ற யாருமறியாத பழியின் பாதையையா ?
4. அறிவின் ஒப்பனை - " வங்கிக் கொள்ளை"
அறிவை ஒப்பனை என்று என்றாவது கருதி இருக்கிறீர்களா ? நம் அத்தனை திட்டங்களின் பின்னாலும் அறிவின் ஒப்பனை அடியாழமாக இருக்கிறது - தன்னைத் தானே மெச்சிக் கொள்ளும் அறிவின் ஒப்பனை அறிவாலேயே களையப்படும் தருணங்களை நீங்கள் உணர்ந்திருக்கிறீர்களா ?
5. எதிர்காலத்தின் நிழல் - " கால எந்திரம் "
நம் தற்கால முனைப்புகள் எல்லாமே எதிர்காலத்தின் நிழல்கள் குறித்த அச்சத்தில் விளைபவையா ? எதிர்காலம் குறித்த நிச்சயம் நம் முனைப்புகளை கூர்மழுங்க செய்திடுமோ ? கால எந்திரம் கையில் கிடைத்தப் பிறகும் ஏன் நாம் அதிகம் கடந்த காலங்களுக்கு செல்வதில்லை ? எதிர் காலத்தில் அப்படி என்ன விசேஷம் ? என்றும் வராத எதிர்காலம் . உங்கள் கைகளில் கால எந்திரம் கிடைத்தால் நீங்கள் செல்ல விரும்பும் இடம் எது ? எதிர்காலமா ? கடந்த காலமா ? - இல்லை நீங்கள் அந்த எந்திரத்தின் நாற்காலியிலிருந்து இறங்கி விடவே விரும்புகிறீர்களா ? ஞானிகள் செய்ததை போலவா ?
6.ஒழுக்கமான விலங்கு எந்திரம் - " விலங்கு பயிற்சியாளர்"
நீங்கள் செய்யும் அத்தனை வேலைகளிலும் ஒழுங்கு மிளிர்கிறது - நீங்கள் அத்தகைய ஒழுங்கையே உங்களை சுற்றி உள்ளவர்களிடமும் எதிர்பார்க்கிறீர்கள் - விலங்கிலிருந்து ஒழுங்கை தருவிக்கும் அத்தனை யுத்திகளையும் நீங்கள் நன்கு அறிந்து வைத்துள்ளீர்கள். உபயோகம் கருதி பழக்கப்பட்ட அத்தனை விலங்குகள் சார்பில் ஒரு கேள்வி ? மனிதனை எந்த உபயோகம் கருதி பழக்கப்படுத்தி வைத்துள்ளோம் ? உணவின் தேவை பூர்த்தியான பிறகும் ஒழுங்கின் வட்டத்திற்குள் வர மனிதர்களும் துடிப்பதன் காரணம் என்ன ?
7. உடைமையும் ஒழி முனைப்பும் - " மரண மணி "
உங்களுக்கு பிடித்த ஒருவர் பிடிக்காத செயலை செய்தால் நீங்கள் என்ன செய்வீர்கள் - பிடித்த நபர் உங்கள் உடைமையா ? - உங்கள் வட்டத்தில் தொடர அவர் உங்களுக்கு பிடித்த விஷயங்களை மட்டுமே செய்ய வேண்டுமா ? உங்களை பிடித்தவர் விரும்பியவற்றை மட்டும் தான் நீங்கள் செய்து கொண்டிருக்கிறீர்களா ? பிடிக்காததை ஒரு போதும் நீங்கள் செய்ததில்லை என்று கூற முடியுமா ? வட்டத்திற்கு புறம்பானவையை ஒழிக்க கோரும் மனதின் கேள்விகளை என்ன செய்தீர்கள் ?
-------
பதினான்காவது அறை
ஆல்ஃபிரட் ஹிட்ச்காக் தொகுத்த மர்மக் கதைகள் , யூமா வாசுகி (தமிழில்)
