முள்ளால் எழுதிய ஓலை

 

The Summing Up

 

The Survivor - Danapani

 

How you are tied to a yoke of Daily Routine ?

To Whom you bend down repeatedly ,

And in search of what ? 

Bending down were you able to reach heights ?

From those heights were you able to see better?

How the routine days went in dark ? 

For end of the tunnel is unseen as you walk along,

Towards the elusive economic prize.

Bending down you reached the heights,

To command many at will and the listening numbers grew.

So Many Mutual lies and Back stabbing fests.

What Delight to be on other side of the Stick.

So Many days lost in routine,

So Many things gained by routine,

As you introspect,

The Means you have used to achieve this poise, 

A Doubts too Many,

A prickly thorn,

An Unknown Anxiety,

Jointly Galloping on your Balancing scales,

Why you are tied to a yoke of Daily Routine?

For you do not know anything else.

* 

Far away lies another Daily Routine,

Devoid of many frills and Joys.

A Humble surrender to the omnipresent.

A divine agenda forged across eons,

For the wavering mind finds its hold

On this everlasting answer.

பிருதிவிராஜனின் குதிரை

கடந்து விட்ட பழையன குறித்த வியப்பு, பெருமை, ஏக்கம் வெளிப்படும் அழகியல் அமைந்த கதைகள் இந்த தொகுப்பில் உள்ளன. 

இந்தியாவை ஆங்கிலேயர்கள் விட்டு சென்று, ஜமீன்தார்கள் விட்டும் விடாமலும் இருந்து கொண்டிருந்த கால கட்டத்தில் அமைந்த கதைகள் இவை.

தனிப்பட்ட ஆசை உணர்வுகள் ஏக்கம் குறித்த அளவில் அமைந்த கதைகள் வாசிக்க சுவாரஸ்யமாக இருந்தாலும் அவை மேலதிகமாக நினைவு கூரத்தக்கதாக இல்லை. 

அரசியல் தளத்தில் அமைந்த கதைகளில் இந்தியாவில் அன்று நிலவி வந்த மன்னராட்சியும் இல்லாத மக்களாட்சியும் அமையாத குழப்பமான சூழ்நிலை பதிவாகியிருக்கிறது. ஆனால் குறிப்பிடத்தக்க கதைகளாக அமையவில்லை. 

இப்பதிவினை எழுத தூண்டுதலாக அமைந்த கதைகள் நான்கு , புத்தக தலைப்பு கதையான "பிருதிவிராஜனின் குதிரை" , நீரில் மூழ்கிய பள்ளத்தாக்கு", "நிர்வாணம்" மற்றும் "முதலையின் மனைவி" ஆகிய கதைகளே அவை.

நான்கு கதைகளுமே வேறு வேறு தளங்களில் மிகவும் நன்றாக அமைந்து விட்ட கதைகள் - கிட்டத்தட்ட படிமங்களாகவே நினைவு கொள்ளும் படி அமைந்து விட்ட கதைகள். 

பழையது குறித்து பல்வேறு பரிணாமங்களை "பிருதிவிராஜனின் குதிரை" மிக கச்சிதமாக தொட்டு செல்கிறது. அடைத்து வைக்கப்பட்ட ஏக்கமும் பெருமிதமும் கதையின் மைய சரடு.

நீரில் மூழ்கிய பள்ளத்தாக்கு - நவீன இந்தியாவின் பொருளாதார சுய சார்பு வளர்ச்சி பாதையின் துவக்கத்தில் நடந்த கதை, வளர்ச்சி கொண்டு வரும் மாற்றங்கள் குறித்த பல இடங்களை தொட்டு செல்லும் கதை.

"நிர்வாணம்" கதை நம் இந்திய இறை நம்பிக்கையின் ஊற்றையும் தற்செயல் நிகழ்வுகளையும் நுட்பமாக இணைக்கும் கதை.

"முதலையின் மனைவி" கதை மேலை கீழை வாழ்க்கை பார்வைகளை குறித்த நாட்டார் கதைகளின் சாயல் கொண்ட கதை.

நான்கு கதைகளும் எளிதில் நினைவில் கொள்ளத்தக்கவை.இன்னொருவருக்கு திரும்ப கூறுகையில் மனதிற்கு மகிழ்ச்சியையும் உவகையையும் அளிப்பவை.

பெரும்பாலான கதைகளில், கதை மாந்தர்கள் தெய்வமாக பேயாக மிருகமாக உருமாற்றம் அடைவதும், நடந்த நிகழ்வுகள், நிகழாத பிரமைகள் மற்றும் கனவுகள் ஒன்றோடு ஒன்று இணைவதும் கதையின் மையப் புள்ளிக்கு வலு சேர்க்கின்றன.

காண கண் கோடி வேண்டும்

சின்ன அண்ணாமலை அவர்களின் பயண நினைவுக் குறிப்புகள் அடங்கிய நூல் 

எட்டயபுரம் பாரதி நினைவு மண்டபம் திறப்பு, 

நவாப் ராஜாமணிக்கம் அவர்களின் அய்யப்பன் நாடகம்,

சங்கரன் கோவில் ஆலய பிரேவேசம்,

நெல்லையப்பர் கோவில் ஆலய பிரவேசம்,

கல்கத்தா தமிழ் சங்க நிகழ்ச்சிகள்,

சாந்திநிகேதன் நிகழ்ச்சிகள்,

இந்தியா சுதந்திரம் அடைந்த நாளின் கல்கத்தா நகர மற்றும் ஆளுநர் மாளிகை காட்சிகள்.

நகைச்சுவையுடன் மிகுந்த உணர்வு பூர்வமாக மேற்கண்ட நிகழ்ச்சிகள் விவரிக்க பட்டிருக்கும் பயண நூல் இவை. இந்திய வரலாற்று தருணங்களின் நேரடி சாட்சியாக அமைந்திருக்கும் நூல்.

இந்தியா 1944-48

குடும்ப விஷயங்களில் உடலை புறந்தள்ளி, கணவன்-மனைவி, அம்மா, சகோதரர், சுற்றம் இவர்களின் மன ஓட்டத்திற்கு மதிப்பளிக்கும் அம்மதிப்புகளின் வழி உருவாகும்  இன்ப லாகிரிகளை மேம்படுத்திக் கூறும் படைப்பு. 

குறியீட்டு ரீதியாக சுதந்திர இந்தியாவின் நிலையை புரிந்து கொள்ளும் விதமாக, இந்தியாவில் ஒரு கால் , வெளிநாட்டில் மறு கால் என்னும் இன்றிருக்கும் நிலையின் பூர்வ வடிவமாய் கதையின் மைய முடிச்சு இருக்கிறது.அந்நிய நிதியை, அந்நிய விஷயங்களை ஏற்றுக் கொள்ள அந்நாட்களில்  உண்டான தயக்கம், குற்றவுணர்வு,  வெறுப்பு குறித்த கோணங்களையும் நாவலை வாசிக்கையில் நாம் உணரலாம்.

இந்த சஞ்சலங்களுக்கு அப்பால் உள்ள உலகில் இருவர் நாவலில் இடம் பெறுகின்றனர். ஒரு வேளை அவ்விருவரும் தான் இந்தியா என்றவுடன் மனதில் தோன்றும் படிமங்களாக நாம் கருத வாய்ப்புள்ளவர்கள். சளைக்காத கிருஹஸ்தனும் சிரித்துக் கொண்டே இருக்கும் சந்நியாசியுமே அவ்விருவர்கள்.

பெரிய மனிதன் - க.நா.சு.

 

அக்கரை சேர பணம் அவசியம் என்பது ஒருவாறு புரிந்து தான் இருக்கிறது, இடையில் வரும் சஞ்சலங்களும் லட்சியங்களும் தீர்வுகளும் பணம் குறித்து அறிந்து கொள்ள உதவுகின்றன.

தனி மனிதன் தொடங்கி மகா பெரிய நாடுகள் வரை பொத்தி பதுக்கி வைக்கப்படும் பணம் அதன் போக்கில் இன்னொரு வழி கண்டு தண்ணீராக ஓடுவதை நாம் பார்த்துக்கொண்டே வருகிறோம். 

பணம் பற்றிய நம் தத்துவ விசாரங்கள் சற்று கலங்கலாகவே இருக்கிறது, பணம் என்றவுடன் நம் மனதில் தோன்றுவது நமது உடனடி தேவைகள், நமது கடன்கள், கூடவே பணம் இருந்தால் நாம் செய்திருக்க கூடிய உதவிகள், பணம் இன்றி நாம் முழுங்கிய அவமானங்கள், பணம் பெற்று தரும் வசதிகள், பணம் என்ற விஷயம் கால ஓட்டத்தில் ஆளுமையாகவோ சொத்தாகவோ பொறுப்பாகவோ அக்கறையாகவோ அன்பாகவோ வெளிப்பட கூடிய பகல் கனவு சாத்தியங்கள், இவை அனைத்தும் ஒன்றோடு ஒன்று முண்டியடித்து நம் எண்ணங்களை பாதிப்பதால் நம் விசாரம் கலங்கலில் முடிகிறது.

பணம் ஈட்ட நாம் மேற்கொள்ளும் முயற்சிகள் பல நேரங்களில் சஞ்சல நிழல்களை தோற்றுவிக்கும் - அப்படியான ஒரு சஞ்சலத்தின் கோட்டு வரைபடம் இந்த குறுநாவல். சஞ்சலம் தீரும் விதமே நாவலின் இறுதிப் புள்ளி. 

நாயகனின் மன சஞ்சலத்தில் தொடங்கி எண்ண கலங்கலின் வழி நாம் பயணித்து இறுதியாக அவரது சஞ்சலம் தீரும்படியாக நாவல் முடிகிறது. சஞ்சலம் உதிர்ந்து தீரும் விதம் வாசகனுக்கு ஏற்க முடியாத ஒன்றாக இருக்கலாம் ஆனால் அவற்றில் இருக்கும் உண்மை கசப்பாகவே இருக்கிறது. நாயகன் மட்டுமல்ல வாசகர்களாகிய நாமும் இவ்வகை தீர்வுகளை சில நேரங்களில் அடைந்திருப்பதே நாம் உணரும் கசப்பிற்கு முக்கியமான காரணம்.